નક્કી હશે..
કંઈ ને કંઈ હર કોઈ ને બંધાણ તો નક્કી હશે,
સહેજ પણ અંદર કશે ભંગાણ તો નક્કી હશે.
ફક્ત મોજાઓ જ આકર્ષાય ના અમથા કદી,
ચંદ્ર ને પણ આ તરફ ખેંચાણ તો નક્કી હશે.
ફક્ત એવી ધારણા થી આ સફર લાંબી બની,
કે હજી આગળ કશે રોકાણ તો નક્કી હશે.
ઓશિયાળી લાગણી ના વહાણ મોઝારે હવે,
કો'ક કાંઠે ક્યાંક એ સંજાણ તો નક્કી હશે.
જર્જરિત ખંડૅર જેવો હું ધરાશાયી થયો,
તુ મને ઢંઢોળ ,મુજ માં પ્રાણ તો નક્કી હશે .
પરશુરામ ચૌહાણ
No comments:
Post a Comment